domingo, 29 de dezembro de 2013

CABELO HUMANO

CAMPO QUINTI KU OMIS NÉ LADO, MINDJERIS NA EXIGI COMPRA DI CABELO HUMANO, UM OMI BAI KAU DI TCHUR DI UM MINDJER I BAI ODJA DEFUNTU DITANDADO KU CABELO HUMANO NA CABEÇA...DIPUS DI ENTERRO I KA FOI FACIL TIRA KI OMI NA CIMINTERIO...
AMI N'BAI ALÇA MOM, PABIA DI NHA DUS TELEMOVEIS KU CAI I É QUEBRA...MURU TA BAI FALAM PAM CUMPRA CABELO HUMANO PAM DAL PÉ TIRA ESMOLA!!!!

domingo, 22 de dezembro de 2013

FUS...

UM OMI MUITO SERIO SAI PARMANHA CEDU DI CASA PA LEBA SI FIDJU PIKININU PA ESCOLA, NA CAMINHO FUS CAPLI OMI, TCHERO TAMA CONTA DI CARRO...OMI VIRA I FALA SI FIDJU: SEMPRE KUM NA PASSA NÉ KAU N'TA SINTI I NA TCHERA FEDI...SI FIDJU FALAL: I BARDADI, INDA MÁNÉ KU TIRI PIDI LA KI MÁ NA FEDI NAM!!!!!!!!

quinta-feira, 19 de dezembro de 2013

SACALATA!!


NHA CATCHUR KUMA I CORDA EH PARMANHA PREOCUPADU, I NA DISCUNFIA KUMA MANÉ KI KODJA ARVORI, PRENDA KÁ NA TEM...N´FALAL KAU KÁ STA DRITU, N´PUNTAL GORA KÉ KI PIDI PAI NATAL...I FALAM: AVION, MAQUINA DI FACI DINHERO KU MOSCAS...N´FALAL MOSCAS!!!!!...I FALAM PATROM, ULTIMAMENTI MOSCAS TUDO DISAPARCI NA BISSAU...N´FALAL: NÁ U PENSA É DESAPARCI, I KA DISAPARCI, SÓ KI EH TÁ PEGA TRAS DI UM OMI KI ORA KI ABRI BOCA SÓ SACALATA KU TÁ SAI LÁ!!!!!

SUMA KU ABELHAS TÉNÉ CE RAINHA, MOSCAS TENÉ TAM CE REI.

quarta-feira, 11 de dezembro de 2013

DISCRIMINAÇOM!!!!

OMI BAI PIDI TARBADJU NA UM DI NÓ INSTITUIÇÃO ESTATAL...INTREVISTA INTREVISTA, EH PUNTAL SI TENÉ ALGUM PROBLEMA DI SAUDI...I RUSPUNDI: BEM I KA BEM BEM PROBLEMA, MA AMI N´PIRDI NHA DUS CUCU DI "BARTABA" NA LUTA DI LIBERTAÇOM...INTRIVISTADOR FALAL: AHM!! MÁ KILA I KÁ PROBLEMA...
OMI RABIDA I PUNTAL: ENTRADA GORA I KAL ORA???
INTRIVISTADOR: ENTRADA I 8 HORA, MÁ ABÓ U PUDI BATA ENTRA 10H.
OMI EXCLAMA: 10HORA!!!!! MÁ PABIA QUE AMI NA BATA ENTRA SÓ 10H???
INTRIVISTADOR: U SIBI LI DI 8H A 10H NADA DI FACI KATA TEM, EMPREGADUS TUDU TA SINTA SOM NA COÇA COÇA CÉ CUCU DI "BARTABA" I SUMA NHU KÁ TENEL U PUDI BIM 10H!!!!!!!!!!!!!!!!!!!!!!!!!!!

terça-feira, 10 de dezembro de 2013

ENTRADA PÁ QUINTAL NÃO!!!!

DOMINGO, IGREJA INTCHI KUM, PADRI DICIDI DÁ MISSA NA PATIO DI IGREJA…
CRENTIS , BÓ ORA KU FÉ PÁ JESUS ENTRA NA BÓ VIDA I PÉ PERMANICI DENTRU DI BÓ ALMAS…
NA KI MOMENTU UM CATCHUR VIRA LATA RANCA LIMBI KUFUTI DI UM TCHAMIDUR KU FIRMA BÁ NA OBI MISSA…KILA SINTI SÓ KUÇA NA MIXI NA SI KUFUTI I FALA DJANAM: NHU JESUS É FALA PAU ENTRA MA BUSCA UTRU PORTA LÁ NÃO, TEM PACENÇA!!!!!

segunda-feira, 9 de dezembro de 2013

SARA MÁS!!!



NHA JACU, PATROA DI SARA TCHIGA I ODJA SARA NA UNTA VASELINA NA SI TELEMOVEL, I PUNTA SARA: N´TÁ U NA UNTA VASELINA NA TELEMOVEL PÁ KÉ??
SARA: NHA APAIXONADO MANDAM SALDO DISNA MÁ TÉ GOSSI I KÁ FICA DI ENTRA, TALVEZ VASELINA TÁ BIM DJUDA SALDO ENTRA!!!
NHA JACU PUI MOM NA CABEÇA I SAI NA QUARTO...
SARA BIM BAI TER KU SENHORA I FALAL: MISTI PÁ NHA ADIAM NHA SÁLARIO.
JACU: ADIA SALÁRIO, COMO ASSIM???
SARA: NHA FIDJU NA ZURA BANDERA MISTI CUMPRAL FARDA DI MUSCUTEIRO!!!!
DIAS MAS TARDI, NHA JACU TCHIGA CASA, TCHAMA TCHAMA SARA...NADA...BIM BAI ENTRA NA QUARTO DI SARA, I ODJA SARA DITA DI BARRIGA SUMA KI BIM MUNDO, KABA KU VENTUINHA NA MAXIMO RIBA DEL...NHA JACU: MÁ SARA ES I KÉ MÁS???
SARA( KU LAGRIMAS NA UDJU): SENHORA, N´KUDA N´BAI NA ALTA, N´CABA N´PUI KI BÓ PURFUMI NA KUFUTI, KIL KUM TA OBI BÓ NA PUI ORA KU BÓ ALTA.
NHA JACU: SARA KILA I CA PÁ PUI NA VONDA (NHA JACU TÁ PAPIA CRIOL SUAVE) KILA I AMBIENTADOR!!!!!

segunda-feira, 2 de dezembro de 2013

PIDIDUR DI ESMOLA ABUSADU!!!!


GOSSI PROPI KUM FIA KUMA TERRA STA M´BARIADU...UM OMI BIM PIDIM ESMOLA AÓS NA CASA...N´DJUBI OMI DI PÉ A CABEÇA, N´NOTA KUMA OMI SAM KENKEREM, N´VIRA FALAL:TIO, TÉ PÓ BATA ENDA ENDA SIM NA PIDI ESMOLA, PABIA DI KÉ KU NHU KÁ NA BAI NAM RANDJA TARBADJU?????
TIO VIRA I FALAM: SUFRINHU, ESMOLA KUM PIDIU, N´KA PIDIU CONSIDJU SISSSSSSSSSSS!!!!!!!!!!!!!!!!!!!